ఏపీని ఊరిస్తున్న అద్భుత అవకాశం!.. మరో మూడు రాష్ట్రాలతో పోటీ?

ఆంధ్రప్రదేశ్‌ను మరో అద్భుత అవకాశం ఊరిస్తోంది. ఇప్పటికే పలు జాతీయ, అంతర్జాతీయ సంస్థలు ఏపీలో పెట్టుబడులు పెట్టేందుకు ఆసక్తి చూపిస్తున్న సంగతి తెలిసిందే. ఈ క్రమంలోనే మరో వార్త బయటకు వచ్చింది. భారతదేశంలో హెచ్125 హెలికాప్టర్ల ఫైనల్ అసెంబ్లీ లైన్ ప్లాంట్ ఏర్పాటుకు ఎయిర్‌బస్ సంస్థ ప్రణాళికలు రచిస్తున్న సంగతి తెలిసిందే. మేకిన్ ఇండియాలో భాగంగా టాటా అడ్వాన్స్‌డ్ సిస్టమ్స్ లిమిటెడ్ భాగస్వామ్యంతో ఈ ప్లాంట్ ఏర్పాటు చేయనున్నట్లు ఎయిర్ బస్ ఇప్పటికే ప్రకటించింది. అయితే ఈ ప్లాంట్ ఏర్పాటు కోసం నాలుగు ప్రాంతాలు ఎంపిక చేయగా.. అందులో ఆంధ్రప్రదేశ్ కూడా ఉన్నట్లు పరిశ్రమ వర్గాలు తెలిపాయి.