ఏపీలో ఇన్నోవేషన్ యూనివర్సిటీ.. ఫిజిక్స్ వాలా కంపెనీతో ప్రభుత్వం ఒప్పందం

Physics wallah Innovation University in AP: ఏపీలో మరో ప్రతిష్టాత్మక యూనివర్సిటీ ఏర్పాటు కానుంది. ఆంధ్రప్రదేశ్‌లో ఇన్నోవేషన్ యూనివర్సిటీ ఏర్పాటు చేసేందుకు ప్రముఖ ఎడ్యుటెక్ కంపెనీ ఫిజిక్స్ వాలా ముందుకు వచ్చింది. అమరావతి సచివాలయంలో మంత్రి నారా లోకేష్ సమక్షంలో ప్రభుత్వ అధికారులు, ఫిజిక్స్ వాలా కంపెనీ ప్రతినిధులు అవగాహన ఒప్పందంపై సంతకాలు చేశారు. 2016లో యూట్యూబ్ ఛానెల్‌గా ప్రారంభమై.. ప్రస్తుతం దేశంలోనే ప్రముఖ ఎడ్యుటెక్ కంపెనీగా ఫిజిక్స్ వాలా ఎదిగింది. ప్రస్తుతం ఆంధ్రప్రదేశ్ యువతకు ప్రపంచస్థాయి అవకాశాలు కల్పించేలా యూనివర్సిటీ ఏర్పాటు కోసం ముందుకు వచ్చింది.