ఏపీలో ఉచిత బస్సు ప్రయాణానికి ఇకపై గుర్తింపుకార్డులతో పనిలేదు.. ఆర్టీసీ సరికొత్త ఆలోచన

AP Free Bus Travel Smart Card For Women: ఆంధ్రప్రదేశ్‌లో మహిళలకు ఉచిత బస్సు ప్రయాణ పథకం విజయవంతంగా కొనసాగుతోందని ఆర్టీసీ ఎండీ ద్వారకా తిరుమలరావు తెలిపారు. త్వరలో క్యూఆర్‌ కోడ్‌తో కూడిన స్మార్ట్‌ కార్డులు జారీ చేస్తామని, ప్రస్తుతం రోజుకు 18 లక్షల మంది మహిళలు ప్రయాణిస్తున్నారని, ఈ సంఖ్య 26 లక్షలకు చేరుకుంటుందని అంచనా వేస్తున్నామన్నారు. అంతర్రాష్ట్ర బస్సుల్లో కూడా ఉచిత ప్రయాణంపై ఆలోచనలు చేస్తున్నామని, ఆధార్ జిరాక్స్ కాపీలను అనుమతించాలని ఆదేశించామని ఆయన పేర్కొన్నారు.