ఏపీలో ఎస్సీ వర్గీకరణ అమలుకు మార్గదర్శకాలు జారీ.. ఈ విషయాలు తప్పక తెలుసుకోండి

Andhra Pradesh Sc Sub Categorisation: ఆంధ్రప్రదేశ్‌లో ఎస్సీ వర్గీకరణ అమలుకు ప్రభుత్వం స్పష్టమైన మార్గదర్శకాలు విడుదల చేసింది. ప్రభుత్వ, స్థానిక సంస్థలు, కార్పొరేషన్లలో తక్షణమే అమల్లోకి వచ్చేలా ఉత్తర్వులు జారీ చేసింది. మొత్తం 15 శాతం రిజర్వేషన్లను మూడు గ్రూపులుగా విభజించారు. ఉద్యోగాల భర్తీ, పదోన్నతులు, విద్యాసంస్థల ప్రవేశాల్లో 200 రోస్టర్ పాయింట్ల విధానాన్ని అమలు చేస్తారు. మహిళలకు 33 1/3% రిజర్వేషన్ వర్తిస్తుంది. ఈ ఉత్తర్వులతో ఎస్సీ వర్గీకరణ ప్రక్రియ మరింత వేగవంతం కానుంది.