ఏపీలో కొత్త స్టేట్ హైవే.. ఆ మార్గంలోనే.. కేంద్రం గ్రీన్ సిగ్నల్

తూర్పుగోదావరి జిల్లావాసులకు త్వరలోనే ఇబ్బందులు తప్పనున్నాయి. వేమగిరి సామర్లకోట కెనాల్ రోడ్డును స్టేట్ హైవేగా మార్చేందుకు కేంద్రం అంగీకరించారు. ఈ మేరకు కేంద్ర ఉపరితల, రోడ్డు రవాణాశాఖ మంత్రి నితిన్ గడ్కరీ అనుమతులు ఇచ్చారు. వేమగిరి, సామర్లకోట కెనాల్ రోడ్డు గుంతలు తేలి.. ప్రయాణానికి ఇబ్బందికరంగ మారింది. ఈ నేపథ్యంలో ఈ కెనాల్ రోడ్డును రాష్ట్ర రహదారిగా మార్చాలని ప్రతిపాదిస్తూ సీఎం నారా చంద్రబాబు నాయుడు.. కేంద్ర మంత్రి నితిన్ గడ్కరీకి జులై నెలలో లేఖరాశారు. తాజాగా అనుమతులు వచ్చాయి.