ఏపీలో కొత్తగా నాలుగు లేన్ల హైవే.. ఆ రూట్లోనే.. కేంద్రం గ్రీన్ సిగ్నల్

ఆంధ్రప్రదేశ్‌కు కేంద్రం నుంచి మరో శుభవార్త అందింది. ఏపీలో నాలుగు లైన్ల రహదారికి కేంద్రం ఆమోదం తెలిపింది. పెందుర్తి- బౌడరా మధ్య రహదారిని నాలుగు లైన్లకు విస్తరించేందుకు కేంద్ర ఉపరితల రోడ్డు, రవాణాశాఖ గ్రీన్ సిగ్నల్ ఇచ్చింది. మొత్తం 40 కిలోమీటర్ల మేర రహదారిని నాలుగు లైన్లకు విస్తరించనున్నారు. రూ.956.21 కోట్లతో ఈ రహదారి విస్తరణ పనులు చేపట్టనున్నారు. ఇక విస్తరణలో భాగంగా మూడు బైపాస్ రోడ్లు కూడా నిర్మించాలని ప్రతిపాదించారు. దీనికి గతంలోనే అనుమతులు వచ్చినప్పటికీ టెండర్ల ప్రక్రియ ఆగిపోయింది. అయితే ఒకట్రెండు రోజుల్లో ఈ పనులకు టెండర్లు పిలవనున్నారు.