ఏపీలో కొత్తగా నేషనల్ హైవే.. ఆ రూట్‌లో రూ.3653 కోట్లతో నాలుగు లైన్లుగా.. ఆ జిల్లాల దశ తిరిగినట్లే

Badvel Nellore National Highway 67 Four Lines: ఆంధ్రప్రదేశ్‌లో మరో జాతీయ రహదారికి కేంద్రం గ్రీన్ సిగ్నల్ ఇచ్చింది. కడప జిల్లాలోని బద్వేల్ నుండి నెల్లూరు వరకు జాతీయ రహదారి 67ను నాలుగు వరుసలుగా విస్తరించనున్నట్లు కేంద్ర మంత్రి నితిన్ గడ్కరీ లోక్‌సభలో వెల్లడించారు. రూ.3,653 కోట్లతో 108.13 కిలోమీటర్ల మేర రహదారిని అభివృద్ధి చేస్తారు. ఈ ప్రాజెక్టు కొప్పర్తి, ఓర్వకల్లు, కృష్ణపట్నం పారిశ్రామిక ప్రాంతాలకు అనుసంధానంగా ఉంటుంది. దీని ద్వారా కృష్ణపట్నం పోర్టుకు రవాణా మరింత సులభతరం కానుంది.