ఏపీలో టీచర్లకు దీపావళికి తీపికబురు.. ఎన్నాళ్లకెన్నాళ్లకు, షెడ్యూల్ వచ్చేసింది

Andhra Pradesh Municipal Teachers Promotions 2024: ఏపీలో మున్సిపల్ ఉధ్యాయుల పదోన్నతులకు పాఠశాల విద్యా శాఖ షెడ్యూల్‌ విడుదల చేసింది. సెకండరీ గ్రేడ్‌ టీచర్స్‌ (ఎస్జీటీ) నుంచి స్కూల్‌ అసిస్టెంట్, సబ్జెక్టు టీచర్‌ నుంచి ప్రధానోపాధ్యాయులు-గ్రేడ్‌2 పదోన్నతులు కల్పిస్తున్నారు. ప్రధానోపాధ్యాయులు-గ్రేడ్‌2 పదోన్నతులకు సంబంధించిన ప్రాథమిక సీనియారిటీ జాబితాను ప్రకటించారు. దీనిపై నవంబరు ఒకటో తేదీ వరకు అభ్యంతరాలు తీసుకుంటారు. తుది సీనియారిటీ జాబితాను 4న ప్రదర్శిస్తారు.. పదోన్నతుల కౌన్సెలింగ్‌ 6 నుంచి నిర్వహిస్తారు. స్కూల్‌ అసిస్టెంట్ల పదోన్నతులకు సంబంధించిన కౌన్సెలింగ్‌ 8న చేపడతారు.