ఏపీలో తెలంగాణ పోలీసుల ఛేజింగ్, కాల్పులు!.. ఉదయాన్నే ఉలిక్కిపడిన గ్రామస్థులు.. ఏం జరిగిందంటే?

సత్యసాయి జిల్లాలో ఆదివారం కాల్పులు కలకలం రేపాయి. ఓ చోరీ కేసు విచారణకు వచ్చిన తెలంగాణ పోలీసులపై దొంగలు దాడికి యత్నించారు. దీంతో పోలీసులు కూడా ఎదురుకాల్పులు జరిపారు. అయితే దుండగులు అక్కడి నుంచి బైక్‌ల మీద పారిపోయారు. ధర్మవరం నియోజకవర్గం బత్తలపల్లి మండలం రామాపురం వద్ద ఈ ఘటన జరిగింది. ఉదయాన్నే కాల్పుల శబ్ధం వినిపించడంతో రామాపురం వాసులు ఉలిక్కిపడ్డారు. కాల్పుల ఘటనతో అక్కడకు చేరుకున్న ధర్మవరం పోలీసులు.. తెలంగాణ పోలీసులతో కలిసి దొంగల కోసం గాలిస్తున్నారు.