ఏపీలో మరో కొత్త రైల్వే డివిజన్.. తిరుమల శ్రీవారి పేరుతో, కేంద్రానికి వినతి

Tirupati Balaji Railway Division: తిరుపతి కేంద్రంగా బాలాజీ రైల్వే డివిజన్ ఏర్పాటు ప్రతిపాదన మరోసారి తెరపైకి వచ్చింది. అధిక ఆదాయం ఆర్జిస్తున్నా, ప్రస్తుత అధికార పరిధి వల్ల ఇక్కడి రైల్వే అవసరాలు తీర్చడంలో సమస్యలు ఎదురవుతున్నాయని టీడీపీ ప్రజాప్రతినిధులు, సాధన సమితి సభ్యులు రైల్వే మంత్రికి వినతిపత్రం సమర్పించారు. ఈ కొత్త బాలాజీ రైల్వే డివిజన్ ఏర్పాటుతో స్థానిక రైల్వే వ్యవహారాల్లో వేగంగా నిర్ణయాలు తీసుకోవచ్చని వారు తెలిపారు.