ఏపీలో మెట్రో రైళ్లపై కీలక అప్‌డేట్.. నిధులు కేటాయించిన ప్రభుత్వం

ఆంధ్రప్రదేశ్‌లో మెట్రో రైలు ప్రాజెక్టులపై అప్‌డేట్ వచ్చింది. విజయవాడ, విశాఖపట్నంలో మెట్రో రైలు ప్రాజెక్టులు నిర్మించేందుకు ఆంధ్రప్రదేశ్ ప్రభుత్వం ప్రణాళికలు రచించిన సంగతి తెలిసిందే. ఈ ప్రాజెక్టులకు అయ్యే ఖర్చును కేంద్ర ప్రభుత్వమే భరించాలని ఏపీ కోరుతోంది. అయితే భూసేకరణకు మాత్రం రాష్ట్ర ప్రభుత్వమే ఖర్చును భరించాల్సి ఉంటుంది. ఈ నేపథ్యంలో మెట్రో ప్రాజెక్టుల భూసేకరణ పనుల కోసం అమరావతి మెట్రో రైల్ కార్పొరేషన్ కోసం ఏపీ ప్రభుత్వం నిధులు కేటాయించింది. బడ్జెట్‌లో అమరావతి మెట్రో రైలు కార్పొరేషన్‌కు రూ.50 కోట్లు కేటాయించింది.