ఏపీలో వారికి గుడ్ న్యూస్.. పోయిన ఉద్యోగాలు మళ్లీ వచ్చాయ్.. తిరిగి విధుల్లోకి..

ఏపీలో మల్టీపర్పస్ హెల్త్ అసిస్టెంట్లను తిరిగి విధుల్లోకి తీసుకుంటున్నారు. సుప్రీంకోర్టు ఆదేశాల నేపథ్యంలో వీరందరికీ పోయిన ఉద్యోగాలు మళ్లీ వస్తున్నాయి. ఏపీవ్యాప్తంగా 730 మల్టీపర్పస్ హెల్స్ అసిస్టెంట్లను తిరిగి విధుల్లోకి చేర్చుకుంటున్నారు. ఈ క్రమంలోనే ఉమ్మడి విశాఖపట్నం పరిధిలో 125 మంది హెల్త్ అసిస్టెంట్లను తిరిగి విధుల్లోకి తీసుకున్నారు. సోమవారం రోజున వీరందరికీ నియామక ఉత్తర్వులు అందించినట్లు విశాఖపట్నం జిల్లా వైద్యారోగ్య శాఖ అధికారులు వెల్లడించారు.