ఏపీలో స్కూల్ విద్యార్థులకు బంపరాఫర్.. ఉచితంగా కిట్లు, డబ్బులు కూడా ఇస్తారు

Sarvepalli Radhakrishnan Vidyarthi Mitra Scheme Kits: ఏపీ ప్రభుత్వ, ఎయిడెడ్ పాఠశాలల్లో చదువుతున్న విద్యార్థులకు సర్వేపల్లి రాధాకృష్ణన్‌ విద్యార్థి మిత్ర (ఎస్‌ఆర్‌కెవిఎం) పథకం అమలుకు సిద్ధమవుతోంది ప్రభుత్వం. ఈ మేరకు విద్యార్థులకు అందించే కిట్లకు రాష్ట్ర ప్రభుత్వం రూ.953.71 కోట్లు విడుదల చేసింది. ఇందుకు సంబంధించిన జీవో 35ను పాఠశాల విద్యాశాఖ కార్యదర్శి కోన శశిధర్‌ విడుదల చేశారు. ఈ పథకం కింద ప్రభుత్వ పాఠశాలల్లో చదువుతున్న విద్యార్థులకు కిట్లను అందిస్తారు. 2025-26 విద్యా సంవత్సరానికి సంబంధించిన కిట్లు అందించేందుకు ఈ నిధులు మంజూరు చేశారు.