ఐదేళ్ల చిన్నారికి గుండెపోటు.. జమ్మికుంటలో తీవ్ర విషాదం

లేడి పిల్లలా చెంగు చెంగునా ఎగురుతూ ఆడుకునే ఐదేళ్ల చిన్నారి గుండె ఉన్నట్టుండి ఆగిపోయింది. ఐదేళ్లకు ఆ బుజ్జాయికి వందేళ్లు నిండిపోయాయి. అప్పటివరకు చురుకుగా ఉన్న ఆ పాప.. ఒక్కసారిగా అస్వస్థతకు గురై.. చివరికి ప్రాణాలే కోల్పోయిన విషాదకర ఘటన.. కరీంనగర్ జిల్లా జమ్మికుంట్లలో చోటుచేసుకుంది. ఆ చిన్నారి గుండెపోటుకు గురైనట్టుగా వైద్యులు భావిస్తున్నారు. పుట్టినప్పటి నుంచి ఆ పాపను గుండె సంబంధిత సమస్య ఏమైనా ఉండొచ్చని అనుమానం వ్యక్తం చేస్తున్నారు.