ఓరి నీ దుంపతెగ.. ఏటీఎం సెంటర్‌లో ఇదేం పనిరా.. ఎవరైనా చూస్తారన్న భయం లేకుండా..!

హైదరాబాద్‌ కోఠీలో జనసంచారం ఉన్న ప్రాంతంలోనే ఓ ప్రైవేటు బ్యాంకుకు చెందిన ఏటీఎం సెంటర్‌లో ఓ దుండగుడు చోరీకి పల్పడ్డాడు. జల్సాలకు అలవాటుపడి.. మద్యం, గంజాయికి బానిసైన ఓ యువకుడు.. డబ్బుల కోసం చోరీలకు పాల్పడుతున్న క్రమంలో.. ఏటీఎం దగ్గర సెక్యూరిటీ గార్డు లేకపోవటాన్ని గ్రహించి.. మెషీన్‌ను పగలగొట్టేందుకు ప్రయత్నించాడు. అయితే.. ఎంత ప్రయత్నించినా ఏటీఎం తెరుచుకోకపోవటంతో.. ఆ దుండగుడు పరారయ్యాడు. ఇందుకు సంబంధించిన దృశ్యాలు మాత్రం.. సీసీ కెమెరాల్లో నిక్షిప్తమయ్యాయి.