ఓరి మీ దుంపలు తెగ.. సాధువులమని చెప్పి ఇవేం పనులు.. నడిరోడ్డుపైనే, పాపం రిటైర్డ్ టీచర్‌..!

Rangareddy Robbery: రంగారెడ్డి జిల్లాలోని యాచారం పోలీస్ స్టేషన్ పరిధిలో ఓ రిటైర్డ్ టీచర్‌ను ముగ్గురు దొంగబాబాలు బురిడీ కొట్టించారు. తాము గుజరాత్ నుంచి వస్తున్నామని చెప్పిన ఆ సాధువులు.. సేద తీరేందుకు దగ్గరలో ఉన్న ఆలయాలేమైనా ఉన్నాయా అని మొదలు పెట్టి.. తనకు మంత్రించిన రుధ్రాక్ష, విభూదిని ఇచ్చారు. ఈ క్రమంలోనే.. రిటైర్డ్ టీచర్ చేతికి ఉన్న అర్ధతులం బంగారు ఉంగరాన్ని మాయం చేశారు. ఈ విషయాన్ని గమనించిన బాధితుడు లబోదిబోమంటూ పోలీస్ స్టేషన్‌కు పరుగులు పెట్టాడు.