కంట్లో నలక పడిందని ఆస్పత్రికి వెళ్తే.. ఆరేళ్ల చిన్నారి ప్రాణమే తీశారు.. ఎంత దారుణం..!

కంటికి రెప్పలా కాపాడుకుంటున్నా తన కూతురికి కంట్లో నలక పడి విలవిల్లాడుతుంటే.. తమ గుండెలో గునపం గుచ్చుకున్నంతగా బాధపడ్డారు. హుటాహుటిన ఆస్పత్రికి తీసుకెళ్లి వైద్యం చేయించి.. తమ కూతురికి ఆ బాధ నుంచి ఉపశమనం కలిగించాలని ఎంతగానో ఆరాటపడ్డారు. కానీ.. విధి ఆడిన నాటకమో, వైద్యులు చూపిన నిర్లక్ష్యమో కారణమేదైనా.. ఆ తల్లిదండ్రులకు మాత్రం నిజంగానే గుండెల్లో గునపం దిగినంకంటే మించిన కడుపుకోత మిగిలింది. ఈ ఘటన హైదరాబాద్‌‌లో జరిగింది.