కడప కలెక్టరేట్‌ వద్ద టెంకాయలు కొట్టిన షర్మిల.. టీజింగ్‌లో ఇది నెక్ట్స్ లెవల్..

ఆంధ్రప్రదేశ్ కాంగ్రెస్ అధ్యక్షురాలు వైఎస్ షర్మిల వినూత్న రీతిలో నిరసన వ్యక్తం చేశారు. కడప స్టీల్ ప్లాంట్ నిర్మాణం చేపట్టాలని డిమాండ్ చేస్తూ కడప కలెక్టరేట్ వద్ద ఏపీ కాంగ్రెస్ పార్టీ వినూత్న రీతిలో నిరసన చేపట్టింది. కలెక్టరేట్ వద్ద టెంకాయలు కొట్టి నిరసన వ్యక్తం చేసింది. కడప స్టీల్ ప్లాంట్ ప్రాజెక్టు అంటే కొబ్బరి కాయలు కొట్టే ప్రాజెక్టుగా మారిందన్న షర్మిల.. పాలకుల తీరు కారణంగా కడప స్టీల్ ఫ్యాక్టరీ నిర్మాణం ముందుకు సాగడం లేదన్నారు. కడప స్టీల్ ప్లాంట్ నిర్మాణం దిశగా చర్యలు చేపట్టాలని డిమాండ్ చేశారు.