కల్తీ మద్యం వ్యవహారం.. చంద్రబాబు కీలక ఆదేశాలు.. వారికి వార్నింగ్!

కల్తీ మద్యం తయారీ, విక్రయాలపై ఉక్కుపాదం మోపాలని సీఎం చంద్రబాబు నాయుడు అధికారులను ఆదేశించారు. మంత్రులు, అధికారులతో సమావేశమైన చంద్రబాబు.. కల్తీ మద్యం తయారుచేసేవారిపై కఠిన చర్యలు తీసుకోవాలవి స్పష్టం చేశారు. ఈ విషయంలో అన్ని విభాగాలు సమన్వయంతో పనిచేయాలని సూచించారు. అలాగే రాజకీయ ప్రయోజనాల కోసం కల్తీ మద్యం విషయంలో అబద్ధపు ప్రచారాలు చేస్తున్నారన్న చంద్రబాబు.. తప్పుడు ప్రచారాలు చేస్తే న్యాయపరమైన చర్యలు తీసుకోవాలని ఆదేశించారు. ఈ సందర్భంగా కల్తీ మద్యం కేసు అప్ డేట్స్‌ను అధికారులు చంద్రబాబుకు వివరించారు.