కాకినాడ జిల్లాలో వైసీపీ బిగ్ షాక్.. జనసేనలోకి ఆ పార్టీ సీనియర్ నేత.. పవన్ సమక్షంలో చేరిక

గోదావరి జిల్లాల్లో వైసీపీకి పలువురు నేతలు వరుసగా రాజీనామా చేస్తున్నారు. తాజాగా, మాజీ ఎమ్మెల్యే, సీనియర్ నేత ఆ పార్టీకి గుడ్‌బై చెప్పారు. ప్రతిపాడు మాజీ ఎమ్మెల్యే వరుపుల సుబ్బారావు.. వైసీపీని వీడి జనసేన కండువా కప్పుకున్నారు. ఈ నేపథ్యంలో ఆయన మాజీ సీఎం, వైఎస్ఆర్ కాంగ్రెస్ అధ్యక్షుడు జగన్‌పై తీవ్ర విమర్శలు గుప్పించారు. ఇళ్ల స్థలాల విషయంలో వైసీపీ ప్రభుత్వం అనుసరించిన విధానం సరిగ్గా లేదని ఆయన దుయ్యబట్టారు.