కాణిపాకం ఆలయం కోనేరు పూడ్చివేసి.. కొత్త పుష్కరిణి నిర్మాణానికి నిర్ణయం.. కారణాలు ఇవే..

కాణిపాకం ఆలయంలో కొత్త కోనేరు అందుబాటులోకి రానుంది. కాణిపాకం వరసిద్ధి వినాయకుడి ఆలయంలో ప్రస్తుతం ఉన్న కోనేరు పూడ్చివేసి, దానికి సమీపంలోనే కొత్త కోనేరు నిర్మించాలని పాలకమండలి నిర్ణయించింది. దీనికి దేవాదాయ శాఖ నుంచి కూడా అనుమతి లభించింది. దీంతో కోనేరు నిర్మాణ పనులకు టెండర్లు పిలిచేందుకు అధికారులు సన్నద్ధమవుతున్నారు. బ్రహ్మోత్సవాల నాటికి కొత్త పుష్కరిణి అందుబాటులోకి తేవాలని కాణిపాకం పాలకమండలి పట్టుదలతో ఉంది.