కానిస్టేబుల్ భార్యల ధర్నా.. ఊహించని షాక్ ఇచ్చిన బెటాలియన్ ఉన్నతాధికారులు

నల్గొండ జిల్లా కేంద్రంలో ఉన్న 12 బెటాలియన్ కార్యాలయం ముందు.. కానిస్టేబుల్ భార్యలు ధర్నా నిర్వహించిన విషయం తెలిసిందే. కాగా.. భార్యలు నిర్వహించిన ధర్నా ప్రభావం.. కానిస్టేబుళ్లపై పడింది. అయితే.. సమస్యలు పరిష్కారంవైపు అడుగులు వేయకుండా.. ధర్నాలు చేసిన భార్యల భర్తలపై సస్పెన్షన్ వేటు వేయటం గమనార్హం. ఈ మేరకు సుమారు 20 మంది కానిస్టేబుళ్లపై వేటు వేసినట్టు తెలుస్తోంది. ప్రస్తుతానికి ఆరుగురు కానిస్టేబుళ్లకు సస్పెన్షన్ ఆర్డర్లు ఇచ్చినట్టు సమాచారం.