కాలేజీ పక్కన శ్మశానంలోనే దుకాణమెట్టేశారు.. ఇదేం పని..!

పల్నాడు జిల్లా నరసరావుపేట పోలీసులు గంజాయి అమ్మకాలు సాగిస్తున్న ముఠాను అదుపులోకి తీసుకున్నారు. గంజాయి అమ్మకాలు జరుగుతున్నాయనే సమాచారంతో తనిఖీలు నిర్వహించిన పోలీసులకు.. శ్మశానంలో గంజాయి అమ్ముతూ ముఠాసభ్యులు దొరికిపోయారు. ఓ కాలేజీ పక్కన ఉన్న శ్మశానంలో గంజాయి అమ్మకాలు జరుగుతున్నాయనే సమాచారంతో తనీఖీ చేసిన పోలీసులు.. 8 మందిని అదుపులోకి తీసుకున్నారు. వీరంతా విశాఖపట్నం నుంచి గంజాయిని తెచ్చి విక్రయిస్తున్నట్లు గుర్తించారు. వీరి వద్ద నుంచి 7 కేజీల గంజాయి స్వాధినం చేసుకున్నారు.