కీలక నిర్ణయం తీసుకున్న ఎన్నికల సంఘం.. నోటిఫికేషన్ సస్పెండ్.. కోడ్ ఎత్తివేత..

తెలంగాణ స్థానిక సంస్థల ఎన్నికల ప్రక్రియను రాష్ట్ర ఎన్నికల సంఘం నిలిపివేసింది. బీసీలకు 42 శాతం రిజర్వేషన్లు కల్పిస్తూ జారీ చేసిన జీవో నంబర్‌ 9, ఎన్నికల నోటిఫికేషన్‌పై హైకోర్టు స్టే ఇవ్వడంతో ఈ నిర్ణయం తీసుకున్నారు. హైకోర్టు ఆదేశాల మేరకు.. సెప్టెంబర్ 29 నాటి గెజిట్‌ను నిలిపివేసి, రాష్ట్రవ్యాప్తంగా అమలులో ఉన్న ఎన్నికల కోడ్‌ను అధికారులు ఎత్తివేశారు. మరోవైపు.. ఈ న్యాయస్థానం ఉత్తర్వులపై బీసీ సంఘాల నాయకులు తీవ్ర నిరసన వ్యక్తం చేస్తూ, రాష్ట్ర బంద్‌కు హెచ్చరిక జారీ చేశారు.