కేటీఆర్‌కు ముందు, తర్వాత సిరిసిల్ల ఎలా ఉందో అడిగి తెలుసుకో.. రేవంత్ రెడ్డికి హరీష్‌ కౌంటర్

సీఎం రేవంత్‌రెడ్డి సిరిసిల్ల పర్యటన నేపథ్యంలో మాజీ మంత్రి హరీశ్‌రావు ఘాటు వ్యాఖ్యలు చేశారు. కేటీఆర్ ఎమ్మెల్యేగా రాకముందు సిరిసిల్ల ఎలా ఉండేది.. ఆయన వచ్చిన తర్వాత ఎలాంటి మార్పులు వచ్చాయో అక్కడి ప్రజలను అడిగి తెలుసుకోవాలని సూచించారు. సిరిసిల్లలో పోలీసు బందోబస్తు, ముందస్తు నిర్బంధాలపై ప్రశ్నలు సంధించిన హరీష్ రావు అదేమైనా ఏమైనా శత్రు రాజ్యమా అంటూ మండిపడ్డారు. కాళేశ్వరం జలాలు, చెక్‌డ్యామ్‌లు, మున్సిపల్ అభివృద్ధి, నేతన్నల సంక్షేమం వంటి అంశాలను ప్రస్తావించారు. మరోవైపు సిరిసిల్ల అభివృద్ధి, పవర్‌లూమ్ పరిశ్రమ పరిస్థితిపై కాంగ్రెస్, బీఆర్‌ఎస్ భిన్న వాదనలు వినిపిస్తున్నాయి.