కేతిరెడ్డి పెద్దారెడ్డికి భారీ ఊరట.. సుప్రీంకోర్టులో లైన్ క్లియర్, తాడిపత్రికి రీఎంట్రీ

తాడిపత్రి మాజీ ఎమ్మెల్యే, వైసీపీ నేత కేతిరెడ్డి పెద్దారెడ్డికి సుప్రీంకోర్టులో భారీ ఊరట లభించింది. తన సొంత నియోజకవర్గం తాడిపత్రికి వెళ్లేందుకు ఆయనకు ఎట్టకేలకు లైన్‌ క్లియర్‌ అయింది. తాడిపత్రి నియోజకవర్గంలోకి కేతిరెడ్డి పెద్దారెడ్డి ఎలాంటి అభ్యంతరం లేకుండా వెళ్లొచ్చని శుక్రవారం సుప్రీంకోర్టు స్పష్టం చేసింది. ఈ క్రమంలోనే ఆంధ్రప్రదేశ్ హైకోర్టు డివిజన్‌ బెంచ్‌ ఇచ్చిన ఆదేశాలపై.. సుప్రీంకోర్టు స్టే విధించింది.