కేవలం 20 నిమిషాల్లోనే శంషాబాద్ ఎయిర్‌పోర్టుకు.. ప్రారంభానికి అంతా సిద్ధం..

హైదరాబాద్ నగరంలోని కోకాపేట ప్రాంతంలో రియల్ ఎస్టేట్ అభివృద్ధి వేగంగా జరుగుతోంది. ఈ నేపథ్యంలో ట్రాఫిక్ రద్దీని తగ్గించి, ప్రయాణ సమయాన్ని తగ్గించేందుకు హెచ్ఎండీఏ ట్రంపెట్ ఫ్లైఓవర్‌ను నిర్మించింది. ఈ ఫ్లైఓవర్ ఔటర్ రింగ్ రోడ్డును కలుపుతూ శంషాబాద్ విమానాశ్రయానికి, ఇతర ప్రాంతాలకు ప్రయాణాన్ని సులభతరం చేస్తుంది. ఈ ఫ్లైఓవర్ నిర్మాణంతో కోకాపేట.. ఇతర పరిసర ప్రాంతాల అభివృద్ధి మరింత వేగవంతం అవుతుందని భావిస్తున్నారు. భవిష్యత్తులో ఈ ప్రాంతంలో ట్రాఫిక్ సమస్యలు తలెత్తకుండా ఉండేందుకు ఈ ఫ్లైఓవర్ దోహదపడుతుంది.