కొత్త బైక్‌పై రూ.2 వేలు, కారుకు రూ.5 వేలు, భారీ వాహనాలకు రూ.10 వేలు.. అసెంబ్లీలో బిల్లు..

తెలంగాణలో కొత్త వాహనాల కొనుగోలుపై ప్రభుత్వం 'రహదారి భద్రతా సెస్సు'ను విధిస్తూ కీలక నిర్ణయం తీసుకుంది. రవాణా శాఖ మంత్రి పొన్నం ప్రభాకర్ ప్రవేశపెట్టిన ఈ నిబంధన ప్రకారం.. ఇకపై బైక్‌పై 2 వేలు, కారుపై 5 వేలు, భారీ వాహనాలపై 10 వేల రూపాయల అదనపు భారం పడనుంది. రోడ్డు ప్రమాదాల నివారణే లక్ష్యంగా సుప్రీంకోర్టు ఆదేశాల మేరకు ఈ పన్ను వసూలు చేస్తున్నారు. అయితే ఆటోలు, ట్రాక్టర్లకు ఈ పన్ను నుండి మినహాయింపు ఇచ్చారు. అలాగే సరుకు రవాణా వాహనాలపై త్రైమాసిక పన్నును రద్దు చేసి.. 7.5 శాతం జీవితకాల పన్నును అమలు చేయనున్నారు. ఈ సెస్సు ద్వారా ప్రభుత్వానికి ఏటా సుమారు 300 కోట్ల రూపాయల ఆదాయం రానుంది.