కొత్త రేషన్ కార్డు వచ్చింది.. గృహజ్యోతి ఫ్రీ కరెంట్ వర్తించేది ఎప్పుడు..? వివరాలివే..

తెలంగాణ ప్రభుత్వం ప్రస్తుతం కొత్త రేషన్ కార్డుల పంపిణీ చేపట్టింది. అయితే రేషన్ కార్డుల జారీతో చాలా మంది లబ్ధిదారులు 'గృహజ్యోతి' పథకం ఉచిత విద్యుత్‌ కోసం ఎదురు చూస్తున్నారు. ఈ పథకం అమలు కోసం త్వరలోనే ఎంపీడీఓ, పురపాలక కార్యాలయాల్లో దరఖాస్తులు స్వీకరించే అవకాశం ఉంది. ఈ మేరకు విద్యుత్ అధికారులు కీలక అప్డేట్ ఇచ్చారు. ఈ పథకానికి అర్హత పొందాలంటే, దరఖాస్తుదారులకు రేషన్ కార్డు ఉండాలి, వినియోగం 200 యూనిట్లలోపు ఉండాలి. అప్లై చేయడానికి రేషన్ కార్డు, ఆధార్ కార్డు, కరెంట్ బిల్లు వంటి పత్రాలు అవసరం.