కొత్త రేషన్ కార్డుల లిస్టులో పేరు లేదా..? అయితే మీకో అలర్ట్, నేటి నుంచే..

తెలంగాణలో కొత్త రేషన్ కార్డులు మంజూరు కోసం ప్రభుత్వం ఓ జాబితాను రూపొందించింది. అయితే ఆ లిస్టులో తమ పేర్లు లేవని అర్హులైన చాలా మంది ప్రజలు ఆందోళన చెందుతున్నారు. ఈ నేపథ్యంలో సర్కార్ కీలక అప్డేట్ ఇచ్చింది. నేటి నుంచి ఈనెల 24 వరకు జరిగే గ్రామసభల్లో మళ్లీ దరఖాస్తు చేసుకోవాలని సూచించింది. గ్రామసభల్లో అఫ్లికేషన్లు పరిశీలించి అర్హులైతే రేషన్ కార్డులు మంజూరు చేస్తామని వెల్లడించింది. ఈ మేరకు సీఎస్ శాంతి కుమారి గ్రామసభల నిర్వహణ, లబ్ధిదారుల ఎంపిక ప్రక్రియపై కలెక్టర్లకు ఆదేశాలు జారీచేశారు.