గాజులు తొడుక్కుని కూర్చోలే.. కాటా శ్రీనివాస్‌కు మహిపాల్ రెడ్డి మాస్ వార్నింగ్

హైదరాబాద్‌ పఠాన్ చెరు నియోజకవర్గ కాంగ్రెస్‎లో విభేదాలు తారాస్థాయికి చేరుకున్నాయి. ఎమ్మెల్యే గూడెం మహిపాల్ రెడ్డి, కాటా శ్రీనివాస్ గౌడ్ మధ్య వర్గపోరు మరోసారి బయటపడింది. మహిపాల్ రెడ్డికి వ్యతిరేకంగా గురువారం (జనవరి 23) కాటా శ్రీనివాస్ గౌడ్ అనుచరులు ఎమ్మెల్యే దిష్టిబొమ్మ దగ్ధం చేసేందుకు ప్రయత్నించగా.. పోలీసులు అడ్డుకున్నారు. దీంతో కాటా అనుచరులు ఎమ్మెల్యే గూడెం మహిపాల్ క్యాంప్ ఆఫీస్ ముట్టడికి పిలుపునిచ్చారు. ఈ క్రమంలో పటాన్ చెరు క్యాంప్ ఆఫీస్ ముట్టడిపై ఎమ్మెల్యే మహిపాల్ రెడ్డి సీరియస్‎గా రియాక్ట్ అయ్యారు.