చంద్రబాబు తర్వాత లోకేషే మా నాయకుడు: బుద్ధా వెంకన్న

Buddha Venkanna: తెలుగుదేశం పార్టీకి దశ, దిశ నారా లోకేష్ మాత్రమేనని ఆ పార్టీ సీనియర్ నేత బుద్దా వెంకన్న తెలిపారు. చంద్రబాబు నాయుడు తర్వాత నారా లోకేష్ సీఎం అని వ్యాఖ్యానించారు. విజయవాడలో బుద్ధా వెంకన్న ఆధ్వర్యంలో టీడీపీ కార్యాలయంలో నారా లోకేష్ పుట్టినరోజు వేడుకలు నిర్వహించారు. భారీ కేక్ కట్ చేసి సంబరాలు చేసుకున్నారు. చంద్రబాబు పాదయాత్రకు వచ్చిన ఆదరణ మళ్లీ లోకేష్ చేపట్టిన యువగళం పాదయాత్రకు వచ్చినట్లు తెలిపారు. నారా లోకేష్ వారసత్వ రాజకీయ నాయకుడు కాదని.. ప్రజల్లో నుంచి ఎదిగిన నాయకుడు అని పేర్కొన్నారు. ఎన్టీఆర్ తర్వాత చంద్రబాబు.. చంద్రబాబు తర్వాత లోకేష్ వారసుడు అని స్పష్టం చేశారు. పార్టీ కష్టాల్లో ఉన్నపుడు లోకేష్ చేపట్టిన పాదయాత్రతో మళ్లీ గాడిలో పడినట్లు చెప్పారు.