గిగ్ వర్కర్స్.. మరో మూడు వారాలు.. పూర్తి వివరాలిలా..

తెలంగాణలో గిగ్ , ప్లాట్‌ఫామ్ కార్మికుల సంక్షేమం కోసం ప్రభుత్వం ఒక ముసాయిదా బిల్లును రూపొందించింది. ఈ బిల్లు ద్వారా వారికి సామాజిక భద్రత, బీమా, ఇతర సౌకర్యాలు కల్పించనున్నారు. ప్రత్యేక బోర్డు ఏర్పాటు, సంక్షేమ నిధి సమకూర్చడం, గుర్తింపు సంఖ్య జారీ చేయడం వంటి అంశాలు ఇందులో ఉన్నాయి. మే 1 నుండి ఈ బోర్డు అమలులోకి రానుంది. అగ్రిగేటర్లు, కార్మికులు నిర్దేశిత సమయంలో నమోదు చేసుకోవాలి. కార్మికుల సంక్షేమ నిధికి అగ్రిగేటర్లు లావాదేవీల్లో కొంత శాతం జమ చేయాలి. కార్మికులను నోటీసు లేకుండా తొలగించడానికి వీలులేదు.