గురుకులంలో తీరని శోకం.. ప్రిన్సిపల్ ఇంటి పనికి వెళ్ళి.. అనంతలోకాలకు చేరిన విద్యార్థిని

కామారెడ్డి జిల్లా బాన్సువాడ గురుకుల పాఠశాలలో గుండెలు పిండేసే విషాదం చోటుచేసుకుంది. చదువుకొని గొప్పస్థాయికి చేరుతుందనుకున్న 8వ తరగతి విద్యార్థిని సంగీత, ప్రిన్సిపాల్ నిర్లక్ష్యానికి బలైపోయింది. ప్రిన్సిపాల్ తన సొంత ఇంటి ఫంక్షన్ కోసం స్కూల్ ఫర్నిచర్‌ను తరలించేందుకు ఈ చిన్నారిని ఆటోలో పంపారు. తిరిగి వస్తుండగా ఆటో నుండి ప్రమాదవశాత్తు కిందపడటంతో సంగీత అక్కడికక్కడే ప్రాణాలు వదిలింది. ‘చదువుకోవడానికి పంపితే నా బిడ్డను చంపేస్తారా’ అంటూ తల్లిదండ్రులు గుండెలవిసేలా రోదిస్తున్న తీరు అందరినీ కన్నీరు పెట్టిస్తోంది.