గోదారి జిల్లా అందాల మధ్య అలా.. అలా.. ఏపీ పర్యాటక శాఖ ప్రత్యేక టూర్

ఒక రోజు ప్రకృతి రమణీయత మధ్య అలా.. అలా.. టూర్ వెళ్లాలనుకుంటున్నారా.. ఇలాంటి వారి కోసం ఏపీ పర్యాటక శాఖ కొత్త ప్యాకేజీ తీసుకువచ్చింది. ఈ వన్‌ డే టూర్‌లో ఉమ్మడి తూర్పుగోదావరి అందాలను వీక్షించవచ్చు. అలాగే పర్యాటక ప్రాంతాలను, దర్శనీయ ప్రదేశాలను, చారిత్రక ప్రాంతాలను సందర్శించేలా ఈ టూర్ ప్లాన్ చేశారు. అక్టోబర్ 26 నుంచి ఈ టూర్ ప్రారంభమవుతుందని.. ఆసక్తి ఉన్నవారు సంప్రదించవచ్చని ఏపీ పర్యాటక శాఖ మంత్రి కందుల దుర్గేష్ తెలిపారు. ప్రస్తుతం శనివారం మాత్రమే ఈ టూర్ సాగుతుందని.. డిమాండ్ అనుసరించి ఆదివారం కూడా ప్లాన్ చేస్తున్నట్లు చెప్పారు.