గోదావరి పుష్కరాలకు కేంద్రం నిధులు.. ఏపీకి 100 కోట్లు.. తెలంగాణకు ఇంత ఘోరమా..?

వచ్చే ఏడాది జూన్ 26 నుంచి జులై 7వ తేదీ వరకు గోదావరి పుష్కరాలు జరగనున్నాయి. గోదావరి ప్రవహిస్తున్న ఐదు రాష్ట్రాల్లో ఈ పుష్కర వేడుకలు ఘనంగా జరుగనున్నాయి. అయితే.. పుష్కరాల కోసం కేంద్ర ప్రభుత్వం నిధులు విడుదల చేసింది. ఈ నిధుల విడుదల్లో కేంద్రం తెలంగాణపై వివక్ష చూపించినట్టు స్పష్టంగా తెలుస్తోంది. ఏపీకి 100 కోట్లు కేటాయించిన కేంద్రం.. తెలంగాణకు కనీసం ఒక్క రూపాయి కూడా కేటాయించకపోవటం సర్వత్రా విమర్శలకు తావిస్తోంది.