గ్రాడ్యుయేట్ ఎమ్మెల్సీ ఎన్నికలకు అభ్యర్థులను ప్రకటించిన టీడీపీ.. వారిద్దరికే ఛాన్స్

ఆంధ్రప్రదేశ్‌లో రెండు గ్రాడ్యుయేట్ ఎమ్మెల్సీ స్థానాలకు టీడీపీ అభ్యర్థులను ప్రకటించింది. కృష్ణా, గుంటూరు జిల్లాల పట్టభద్రుల ఎమ్మెల్సీ స్థానానికి ఆలపాటి రాజేంద్రప్రసాద్, ఉమ్మడి తూర్పు- పశ్చిమగోదావరి గ్రాడ్యుయేట్ ఎమ్మెల్సీ స్థానానికి పేరాబత్తుల రాజశేఖర్ పేరును తెలుగుదేశం ఖరారు చేసింది. ఈ మేరకు ఏపీ టీడీపీ అధ్యక్షుడు పల్లా శ్రీనివాసరావు ప్రకటన విడుదల చేశారు. గత ఎన్నికల సమయంలో సీట్లు త్యాగం చేయటంతో పాటుగా సామాజిక సమీకరణాలు వీరికి కలిసి వచ్చాయి.