చంద్రబాబు ఢిల్లీ పర్యటన.. రైల్వే జోన్‌కు ముహూర్తం ఫిక్స్.. ఆ రూట్లో 4 లేన్ల ప్రాజెక్టు..!

రెండు రోజుల పర్యటనలో భాగంగా సీఎం చంద్రబాబు నాయుడు ఢిల్లీలో పర్యటిస్తున్నారు. ఈ సందర్భంగా ప్రధానమంత్రి నరేంద్ర మోదీ, రైల్వేమంత్రి అశ్వినీ వైష్ణవ్‌లతో చంద్రబాబు భేటీ అయ్యారు. అనంతరం భేటీ వివరాలను ఎక్స్ వేదికగా వెల్లడించారు. విశాఖ రైల్వేజోన్ శంకుస్థాపన డిసెంబర్‌లో ఉండొచ్చన్న చంద్రబాబు.. ఏపీలో రూ.73,343 కోట్ల విలువైన ప్రాజెక్టులను రైల్వే చేపట్టనున్నట్లు తెలిపారు. ఇందులో హౌరా- చెన్నై నాలుగు లేన్ల ప్రాజెక్టు కూడా ఉందంటూ చంద్రబాబు ట్వీట్ చేశారు. మరోవైపు మంగళవారం కూడా పలువురు కేంద్ర మంత్రులతో చంద్రబాబు భేటీ అవుతారు.