చెన్నమనేని రమేష్‌కు బిగ్ షాక్.. MLA ఆది శ్రీనివాస్‌కు రూ.25 లక్షలు చెల్లించాలని హైకోర్టు ఆదేశం

వేములవాడ మాజీ ఎమ్మెల్యే, బీఆర్ఎస్ నేత చెన్నమనేని రమేష్‌కు హైకోర్టులో చుక్కెదురైంది. ఆయన జర్మనీ పౌరుడేనని హైకోర్టు ధర్మాసనం తేల్చింది. రమేష్ దాఖలు చేసిన పిటిషన్‌ను డిస్మిస్ చేసింది. విచారణ సందర్భంగా ఫేక్ డాక్యుమెంట్లు సమర్పించారని ఆగ్రహం వ్యక్తం చేసింది. రూ.30 లక్షల జరిమానా విధించింది. నెల రోజుల్లో ప్రస్తుత ఎమ్మెల్యే ఆది శ్రీనివాస్‌కు రూ.25 లక్షలు, లీగల్ సర్వీస్ అథారిటీకి రూ.5లక్షలు చెల్లించాలని తీర్పులో పేర్కొంది.