చెరువు మా భూముల్ని కబ్జా చేసింది.. 'హైడ్రా'కు వింత అనుభవం

గ్రేటర్ హైదరాబాద్ పరిధిలో చెరువులు, కుంటలు, ప్రభుత్వ స్థలాల పరిరక్షణ కోసం ఏర్పాటు చేసిన హైడ్రా అధికారులకు వింత అనుభవం ఎదురైంది. ఇప్పటి వరకు చెరువుల ఎఫ్‌టీఎల్, బఫర్‌జోన్లు ఆక్రమించిన అక్రమ నిర్మాణాలు చేపట్టిన ఉదంతాలు చూశాం. కానీ అమీన్‌పూర్ పెద్ద చెరువు తమ స్థలాలను కబ్జా చేసిందని బాధితులు హైడ్రా కమిషనర్‌కు ఫిర్యాదు చేశారు. చెరువు తూములు, అలుగులు మూసేయటంతో చెరువు ఎఫ్‌టీఎల్ పరిధి పెరిగి తాము లీగల్‌గా కొన్న స్థలాలు మునిగిపోయాయని వారు కమిషనర్‌కు ఫిర్యాదు చేశారు.