జాక్ పాట్ కొట్టిన విద్యార్థి.. ఏకంగా రూ.46 లక్షల ప్యాకేజీతో ఉద్యోగం..

ప్రస్తుతం ప్రైవేట్ రంగంలో ఉద్యోగం సంపాదించడం అంత సులువు కాదు. మామూలు ఉద్యోగాలు వచ్చినా.. మంచి జీతం, ప్యాకేజీతో ఉద్యోగం రావాలంటే చాలా కష్టపడాలి. అందుకు అదనపు స్కిల్స్ కచ్చితంగా ఉండాలి. అయితే.. ఈ మధ్యకాలంలో క్యాంపస్ ప్లేస్‌మెంట్‌లలోనే పెద్ద పెద్ద ప్యాకేజీలతో ఉద్యోగాలు కొట్టే విద్యార్థుల సంఖ్య పెరుగుతోంది. కాలేజీ నుంచి బయటికొచ్చాక.. ఈ పోటీ ప్రపంచంలో ఉద్యోగం తెచ్చుకోవడం చాలా సవాలుతో కూడుకున్న పని. కానీ.. క్యాంపస్‌లోనే తమ కలలను నిజం చేసుకుంటున్న విద్యార్థులు ఎంతో మంది ఉన్నారు. తాజాగా, హైదరాబాద్ విశ్వవిద్యాలయం (University of Hyderabad) క్యాంపస్ ప్లేస్‌మెంట్స్‌లో ఒక విద్యార్థి ఏకంగా రూ. 46 లక్షల వార్షిక వేతనంతో ఉద్యోగం సాధించి అందరినీ ఆశ్చర్యపరిచారు.