జైలు నుంచి జానీ మాస్టర్ విడుదల.. 36 రోజుల తర్వాత..!

చంచల్‌గూడ జైలు నుంచి జానీ మాస్టర్ విడుదలయ్యారు. అత్యాచారం కేసులో అరెస్ట్ అయిన జానీ మాస్టర్.. గత 36 రోజులుగా చంచల్‌గూడ జైలులో ఉన్నారు. ఈ క్రమంలోనే జానీ మాస్టర్ దాఖలు చేసిన బెయిల్ పిటిషన్‌పై విచారణ జరిపిన కోర్టు.. బెయిల్ మంజూరు చేసింది. దీంతో 36 రోజుల తర్వాత ఆయన చంచల్‌గూడ జైలు నుంచి బయటికి వచ్చారు. ఈ కేసు కారణంగా జానీ మాస్టర్‌పై జనసేన, మా అసోసియేషన్ సస్పెన్షన్ వేటు వేశాయి. అంతేకాకుండా ఆయనకు వచ్చిన నేషనల్ అవార్డు సైతం వెనక్కి వెళ్లిపోయింది.