జైలులో లగచర్ల రైతుకు గుండెనొప్పి.. బేడీలు, గొలుసులతో ఆస్పత్రికి.. సీఎం రేవంత్ రియాక్షన్ ఇదే..!

లగచర్ల దాడిలో అరెస్టయి సంగారెడ్డి జైలులో ఉన్న ఓ రైతుకు గుండెనొప్పి రాగా.. అతన్ని పోలీసులు ఆస్పత్రికి తరలించారు. ఈ క్రమంలో.. సదరు రైతు చేతులకు బేడీలు వేసి.. గొలుసులతో కట్టేసి తీసుకురావటం గమనార్హం. ఓ రైతుపట్ల పోలీసులు ఇంత దారుణంగా వ్యవహరించటంపై ఇప్పుడు సర్వత్రా విమర్శలు వ్యక్తమవుతున్నాయి. ఈ ఘటనపై అటు విపక్ష నేతలు తీవ్ర ఆగ్రహం వ్యక్తం చేస్తుండగా.. సీఎం రేవంత్ రెడ్డి కూడా పోలీసుల తీరుపై తీవ్రస్థాయిలో మండిపడ్డారు.