టాయిలెట్లను వీరు క్లీన్ చేయగలరా? IAS అధికారిణిపై ఎమ్మెల్సీ కవిత ఫైర్

రాష్ట్రంలోని సాంఘిక సంక్షేమ గురుకుల పాఠశాలల్లో కాంగ్రెస్ ప్రభుత్వం తీసుకున్న తాజా నిర్ణయంపై ఎమ్మెల్సీ కల్వకుంట్ల కవిత తీవ్ర ఆగ్రహం వ్యక్తం చేశారు. మే నెల నుంచి స్వీపింగ్, శానిటేషన్ కార్మికులను తొలగించి ఆ పనులను విద్యార్థులపైనే మోపడాన్ని ఆమె తీవ్రంగా ఖండించారు. విద్యార్థులే ఆ పనులు చేయాలంటూ సీనియర్ ఐఏఎస్, ఎస్సీ గురుకులాల కార్యదర్శి అలుగు వర్షిణి వ్యాఖ్యానించటం సరైంది కాదన్నారు. టాయిలెట్లను వీరు క్లీన్ చేయగలరా? అని ట్విట్టర్ ఎక్స్ వేదికగా ప్రశ్నించారు.