టార్గెట్ 2029.. ఎమ్మెల్యేల పనితీరుపై చంద్రబాబు ప్రజాభిప్రాయ సేకరణ..

2029 అసెంబ్లీ ఎన్నికల్లో విజయం సాధించడమే ధ్యేయంగా సీఎం చంద్రబాబు ఇప్పటి నుంచే ప్రణాళికలు రచిస్తున్నారు. ఇందులో భాగంగా శుక్రవారం నుంచి ఎమ్మెల్యేల పనితీరుపై ప్రజాభిప్రాయ సేకరణ ప్రారంభించారు. ముఖ్యమంత్రిగా వివిధ సమావేశాలు, సభలకు హాజరవుతుంటారు చంద్రబాబు. ఈ సందర్భంగానే ఆ ప్రాంత నియోజకవర్గ ఎమ్మెల్యే పనితీరుపై ప్రజల నుంచి అభిప్రాయాలు తెలుసుకుంటానని చంద్రబాబు ప్రకటించారు. శుక్రవారం రోజున కృష్ణా జిల్లా పామర్రు నియోజకవర్గం పమిడిముక్కలలో చంద్రబాబు పర్యటించారు.