ట్రైన్ ప్రయాణికులకు గుడ్‌న్యూస్.. సికింద్రాబాద్ నుంచి మరో వందే భారత్ ట్రైన్, ఈ రూట్‌లోనే

సికింద్రాబాద్ రైల్వే స్టేషన్ నుంచి మరో వందే భారత్‌ సర్వీస్ త్వరలోనే ప్రారంభమయ్యే అవకాశాలు కనిపిస్తున్నాయి. మహారాష్ట్ర ఎన్నికల తర్వాత సికింద్రాబాద్ - పుణే వందే భారత్ ఎక్స్‌ప్రెస్ ప్రారంభించేందుకు సౌత్ సెంట్రల్ రైల్వే అధికారులు సన్నాహాలు చేస్తున్నారు. ప్రస్తుతం ఈ రెండు నగరాల మధ్య శతాబ్ది ఎక్స్‌ప్రెస్ ట్రైన్ సేవలు అందిస్తోంది. అది మధ్యాహ్నం సికింద్రాబాద్ నుంచి బయలుదేరుతుండగా.. కొత్తగా ప్రారంభించే వందే భారత్‌ను ఉదయం పంపించే అవకాశం ఉంది.