డబుల్ డెక్కర్ బస్సులో ఫ్రీగా 'జాయ్‌రైడ్'.. ఏ సమయానికి.. ఎక్కడ?, వివరాలివే..

హైదరాబాద్‌ రోడ్లపై ఒకప్పుడు డబుల్ డెక్కర్ బస్సులు ప్రత్యేక ఆకర్షణగా నిలిచేవి. దాదాపు ఓ 40 ఏళ్ల క్రితం వరకు అవి నగర రోడ్లుపై పరుగులు పెట్టాయి. అయితే క్రమంగా ఆ బస్సులు కనుమరుగైపోయాయి. ఆ పాత మధుర జ్ఞాపకాలను గుర్తుచేస్తూ.. సర్కార్ ఎలక్ట్రిక్ డబుల్ డెక్కర్ బస్సులను తీసుకొచ్చింది. అత్యాధునిక హంగులతో రూపొందించిన ఈ బస్సులను గత బీఆర్ఎస్ ప్రభుత్వం అందుబాటులోకి తీసుకొచ్చింది. అయితే ఆ బస్సులు ప్రస్తుతం నగర రోడ్లపై ఖాళీగా తిరుగుతున్నాయి.