డిసెంబర్ 16 నుంచి ధనుర్మాసం.. తిరుమల సుప్రభాత సేవలో మార్పు..

డిసెంబర్ 16 నుంచి తిరుమలలో ధనుర్మాసం ప్రారంభం కానుంది. డిసెంబర్ 16 ఉదయం ఏడు గంటల నుంచి ధనుర్మాసం మొదలు కానుంది. దీంతో సుప్రభాత సేవ స్థానంలో తిరుప్పావై నివేదిస్తారు. జనవరి 14 వ తేదీ ధనుర్మాసం ఘడియలు ముగుస్తాయి. ధనుర్మాసం సందర్భంగా శ్రీవారికి బిల్వపత్రాలతో సహస్రనామార్చన, ప్రత్యేక నైవేద్యాలు సమర్పిస్తారు. మరోవైపు శ్రవణం కేంద్రాన్ని టీటీడీ ఛైర్మన్ బీఆర్ నాయుడు సందర్శించారు. విద్యార్థుల తరగతులను పరిశీలించారు. మెరుగైన సౌకర్యాలను కల్పిస్తామని తెలిపారు.