డ్వాక్రా మహిళలకు భారీ శుభవార్త.. అకౌంట్లోకి డబ్బులు జమ.. చెక్ చేసుకోండి..

తెలంగాణ ప్రభుత్వం మహిళలను ఆర్థికంగా బలోపేతం చేసేందుకు చర్యలు చేపట్టింది. ఇప్పటికే మహాలక్ష్మి పథకం అమలు చేస్తుండగా.. తాజాగా 3,57,098 గ్రామీణ మహిళా స్వయం సహాయక సంఘాల ఖాతాల్లో రూ. 304 కోట్ల వడ్డీ లేని రుణాలను జమ చేసింది. సోమవారం ఉపముఖ్యమంత్రి భట్టి విక్రమార్క, మంత్రి సీతక్క వీడియో కాన్ఫరెన్స్ నిర్వహించారు. ఈ సందర్భంగా మంత్రి సీతక్క మాట్లాడుతూ.. తమ ప్రభుత్వం మహిళా పక్షపాతి అని.. గత ప్రభుత్వం రూ. 3,500 కోట్ల వడ్డీలను ఎగవేసిందని విమర్శించారు. మహిళల సాధికారత కోసం ఏటా రూ. 25 వేల కోట్లకు తగ్గకుండా బ్యాంకు లింకేజీ రుణాలను అందిస్తామని ఆమె వివరించారు.