తండ్రిని కలిసేందుకు ఫామ్‌హౌస్‌కు చేరుకున్న కవిత.. కారణం ఏంటంటే..

బీఆర్‌ఎస్ ఎమ్మెల్సీ కవిత రేపు తన చిన్న కుమారుడితో కలిసి అమెరికా వెళ్లనున్నారు. ఉన్నత విద్యాభ్యాసం కోసం కుమారుడిని అక్కడి కళాశాలలో చేర్పించనున్నారు. ప్రయాణానికి ముందు కవిత తన కుమారుడితో కలిసి తండ్రి కేసీఆర్ ఆశీర్వాదం తీసుకున్నారు. ఈ సమావేశం ఎర్రవల్లిలోని కేసీఆర్ ఫామ్‌హౌస్‌లో జరిగింది. 15 రోజుల పర్యటన ముగిసిన అనంతరం సెప్టెంబర్ ఒకటిన ఆమె తిరిగి హైదరాబాద్ చేరుకుంటారు. ఇదిలా ఉంటే.. కవిత పెద్ద కుమారుడు కూడా ఇప్పటికే అమెరికాలో ఉన్నత విద్యను పూర్తి చేసుకున్న సంగతి తెలిసిందే.